නුවරඑළිය දිස්ත්රික්කයේ හගුරන්කෙත ප්රාදේශීය ලේකම් කාර්යාලයට අනුබද්ධ මතුරට නව උප ප්රාදේශීය ලේකම් කාර්යාලය පරිපාලන කටයුතු සදහා විවෘත කිරීමේ උත්සවය දිස්ත්රික් සම්බන්ධීකරණ කමිටු සභාපති පාර්ලිමේන්තු මන්ත්රී එස්.බී දිසානායක මහතාගේ සහ දිස්ත්රික් ලේකම් නන්දන ගලබඩ මහතාගේ ප්රධානත්වයෙන් 2021.12.15 වන දින මතුරට නගරයේ දී සිදුකෙරිණ .
මතුරට හා මන්දාරම් නුවර ජනතාවට තම අවශ්යතා සඳහා හඟුරන්කෙත ප්රාදේශීය ලේකම් කාර්යාලයට පැමිණීමේදී විවිධ දුෂ්කරතාවයන් රාශියකට මුහුණ පෑමට සිදුවිය. එම ගැටළුවට විසඳුමක් වශයෙන් රාජ්ය පරිපාලන අමාත්යාංශයේ හා සීමා නිර්ණය කමිටුවේ නිර්දේශයන්ට අනුව මතුරට ප්රදේශයේ නව උප ප්රාදේශීය ලේකම් කාර්යාලයක් ස්ථාපනය කිරීමට යෝජනා විය.
හගුරන්කෙත ප්රාදේශීය ලේකම් කාර්යාලයේ පූර්ණ අධීක්ෂණයෙන් සහකාර ප්රාදේශීය ලේකම්වරයෙකු යටතේ මෙම කාර්යාලයේ කටයුතු සිදුකිරීමට නියමිතය.
මෙම අවස්ථාවට හිටපු පළාත් සභා මන්ත්රී එස්.බී රත්නායක මහතා හගුරන්කෙත ප්රාදේශීය ලේකම් අයි.එම් සේනානයක මහතා ඇතුළු දේශපාලන නියෝජිතයන් රාජ්ය නිලධාරීන් පිරිසක් සහභාගී වූහ.
