2024 පාර්ලිමේන්තු මහ මැතිවරණයට අදාළව නුවරඑළිය දිස්ත්‍රික්කයේ නිල තැපැල් ඡන්ද පත්‍රිකා ඇතුලත් රක්ෂිත පැකට්ටු තැපැල් දෙපාර්තමේන්තුව වෙත නිකුත් කිරීමේ කටයුතු ආරම්භ කල බව නුවරඑළිය දිස්ත්‍රික් ලේකම් / තේරීම් භාර නිලධාරි නන්දන ගලබඩ මහතා පැවසීය.
අද පෙරවරු 8.00 ට නුවරඑළිය දිස්ත්‍රික් ලේකම් කාර්යාලයේ දි රාජ්‍ය නිලධාරීන්ගේ දායකත්වයෙන් ආරම්භ කල මෙම නිල තැපැල් ඡන්ද පත්‍රිකා නිකුත් කිරීම දවස පුරා සිදුය.
ඒ නුවරඑළිය දිස්ත්‍රික් තේරීම් භාරනිලධාරී නන්දන ගලබඩ මහතාගේ සහ සහකාර මැතිවරණ කොමසාරිස් ලහිරු කලුගම්පිටිය මහතාගේ අධීක්ෂණය යටතේය .
මෙම කටයුතු සඳහා තාවකාලිකව තැපැල් දෙපාර්තමේන්තුවට අයත් කාර්යාලයක්ද දිස්ත්‍රික් ලේකම් කාර්යාලය පරිශ්‍රයේ ස්ථාපිත කොට තිබිම විශේෂිතය.
දිස්ත්‍රික් මාධ්‍ය ඒකකය - නුවරඑළිය.
