මුල් ළමාවිය රැකවරණය සහ සංවර්ධනය පිලිබඳ ජාතික සතියට සමගාමීව "පුංචි අපට ලොව දිනන්න සෙල්ලමටත් ඉඩදෙන්න" තේමාව යටතේ මුල් ළමාවිය ජාතික ලේකම් කාර්යාලය මගින් දීප ව්යාප්තව ක්රියාත්මක කරන වැඩසටහන් මාලාවේ නුවරඑළිය දිස්ත්රීක්කයේ තවත් වැඩසටහනක් 2025/07/25 වන දින නුවරඑළිය බෞද්ධ මන්දිරය කේන්ද්ර කර ගනිමින් පැවැත්විණ.
ශාරීරික මනෝසමාජීය හා ප්රජානන සංවර්ධනයෙන් යුත් ශ්රී ලාංකීය මුල් ළමාවිය දරු පරපුරක් බිහි කිරීමේ අරමුණ පෙරදැරිව කාන්තා හා ළමා කටයුතු අමාත්යාංශය යටතේ ක්රියාත්මක මුල් ළමාවිය ජාතික ලේකම් කාර්යාලය මෙම වැඩසටහන් මාලාව ක්රියාත්මක කරන අතර නුවරඑළිය සහ තලවාකැලේ ප්රාදේශීය ලේකම් බලප්රදේශ වල තෝරාගත් මුල් ළමාවිය ගුරුවරියන් සහ දරු දැරියන් මෙම පුහුණු වැඩමුළුව සදහා සම්බන්ධ වූහ. මෙම වැඩසටහනේ සම්පත් දායකත්වය සපයනු ලැබුවේ මුල් ළමාවිය උපදේශක සරත් වීරසූරිය මහතා විසිනි.
නුවරඑළිය දිස්ත්රීක් ලේකම් තුෂාරී තෙන්නකෝන් මහත්මියගේ පූර්ණ මගපෙන්වීම මත නුවරඑළිය දිස්ත්රික් ලේකම් කාර්යාලීය මුල් ළමාවිය සංවර්ධන අංශය සහ නුවරඑළිය සහ තලවාකැලේ ප්රාදේශීය ලේකම් කාර්යාලීය මුල් ළමාවිය සංවර්ධන අංශ මගින් මෙම වැඩසටහන සම්බන්ධීකරණය සිදු කරනු ලැබීය.
මෙම වැඩසටහනට නුවරඑළිය බෞද්ධ මන්දිරයේ අධිපති නුවරඑළිය ප්රාදේශීය ශාසනාරක්ෂක බලමණ්ඩලයේ ලේඛකාධිකාරී පූජ්ය කිරිඔරුවේ ධිරානන්ද ස්වාමින්වහන්සේ , නුවරඑළිය සහකාර ප්රාදේශීය ලේකම් සුජානී වීරසූරිය මහත්මිය .මුල් ළමාවිය ගුරුවරියන්, දරුදැරියන්,දෙමාපියන් ඇතුළු පිරිසක් සහභාගි වූහ.
