වටවල ගංවතුර ගැටළුවට විසදුම් සෙවිම සඳහා වු විශේෂ නිරික්ෂණ චාරිකාවක් සහ සාකච්ඡාවක් දිස්ත්රික් ලේකම් නන්දන ගලබඩ මහතාගේ ප්රධානත්වයෙන් පසුගිය (28) දින පැවැත්වීණී.
වර්ෂා කල වලදි මහවැලි ගංගාව පිටාර ගැලිම හේතුවෙන්, වටවල ඥානානන්ද ගම ඇතුළු ප්රදේශවල ජනතාව පිඩාවට පත්වන අතර දේපල සහ වගාවන්ට හානි සිදුවීම සෑම වර්ෂයකම දක්නට ලැබේ.
මෙම ගැටළුවට තිරසාර විසදුමක් ලබාදීම වෙනුවෙන් දිස්ත්රික් ලේකම් නන්දන ගලබඩ මහතා විසින් අදාල සියළු පාර්ශවයන්ගේ සහභාගීත්වයෙන් ඒම ප්රදේශයේ නිරික්ෂණය කිරීම සිදුවිය. මෙම ප්රදේශයට පහලින් ඉදිකර ඇති කුඩා ජල විදුලිබලාගාරයට ජලය ගෙනයාම සඳහා ඉදිකර ඇති බැම්මද මෙහිදි නිරික්ෂණයට ලක්වීය.
ඉන් අතුරුව වටවල ප්රදේශයෙ දි අදාල සාකච්ඡාව පැවැත්වු අතර මෙම ගං වතුර පාලනය සඳහා අදාල අංශ මගින් යෝජනා මෙහිදි ඉදිරිපත් කිරීම සිදුවිය.
මෙම අවස්ථාවට අඹගමුව ප්රාදේශීය සභා සභාපති ජයසංඛ පෙරේරා, අඹගමුව වැඩ බලන ප්රාදේශිය ලේකම් ශාලිකා ලිඳකුඹුර යන මහත්ම මහත්මින් සහ ආපදා කළමණාකරණ මධ්යස්ථානය, ඉඩම් පරිහරන සැළසුම් අංශය, මධ්යම පරිසර අධිකාරිය, ඇතුළු ආයතනවල නිලධාරින් සහභාගි වුහ.
