நுவரெலியா மாவட்ட அனர்த்த முகாமைத்துவக் குழுக் கூட்டம் - 2025.12.24

-------------------------------------------

நிலவிய அனர்த்த நிலைமை காரணமாக பாதிக்கப்பட்ட நுவரெலியா மாவட்ட மக்களின் வாழ்க்கையை துரிதமாக இயல்பு நிலைக்கு கொண்டுவரும் பொருட்டு அனைவரும் அர்ப்பணிப்புடன் செயற்படுங்கள் - நுவரெலியா மாவட்ட ஒருங்கிணைப்புக் குழுவின் இணைத் தலைவர் மஞ்ஜுள சுரவீரஆரச்சி அவர்கள் அனைத்து அரச உத்தியோகத்தர்களையும் கேட்டுக்கொண்டார். தலைவர் அவர்கள் இக்கோரிக்கையை 2025.12.24 ஆம் திகதி நுவரெலியா மாவட்ட செயலகத்தில் நடைபெற்ற விசேட அனர்த்த குழுக் கூட்டத்தில் முன்வைத்தார்.

டித்வா சூறாவளியின் பின்னர் நுவரெலியா மாவட்டத்தின் அனர்த்த நிலைமை மற்றும் மேற்கொண்டு எடுக்க வேண்டிய நடவடிக்கைகள், நிவாரணம் வழங்கும் அலுவல்கள் தொடர்பில் அரச உத்தியோகத்தர்களுடனான கலந்துரையாடலொன்று நுவரெலியா மாவட்ட செயலகத்தின் அதிசய மண்டபத்தில் நடைபெற்றது. அனர்த்த நிலைமையின் பின்னர் மக்களின் வாழ்க்கையை இயல்பு நிலைக்கு கொண்டுவரும் பொருட்டு குறுகியகால, மத்தியகால, நீண்டகால வேலையொழுங்குகளின் அத்தியாவசியம் பற்றி தலைவர் அவர்கள் இதன்போது வலியுறுத்தினார். வீடுகள், சுகாதாரம், கல்வி, வீதிகள், மின்சாரம், குடிநீர், தொடர்பாடல், பாதுகாப்பு உள்ளிட்ட துறைகள் தொடர்பில் உருவாகியுள்ள பிரச்சினைகள் பற்றி இதன்போது நீண்டதாக கலந்துரையாடப்பட்டதுடன், அனர்த்தம் காரணமாக பாதிக்கப்பட்டவர்களுக்கு நட்டஈடு வழங்கல் உள்ளிட்ட அனர்த்த நிவாரண செயற்பாடுகள் தொடர்பிலும் நீண்டதாக கலந்துரையாடப்பட்டது.

இக்கலந்துரையாடலில் கல்வி மற்றும் உயர் கல்வி பிரதி அமைச்சர் மதுர செனவிரத்ன அவர்களும், பாராளுமன்ற உறுப்பினர் கே.கலைச்செல்வி அவர்களும், நுவரெலியா மாவட்ட செயலாளர் திருமதி.துஷாரி தென்னகோன் உள்ளிட்ட அரச உயர் அதிகாரிகள் பலரும் கலந்துகொண்டனர்.