 |
 |
 |
||
District Secretary
Mrs. R.A.D.T.N.Thennakoon
ආර්.ඒ.ඩී.ටී.එන්.තෙන්නකෝන් මහත්මිය
திருமதி. ஆர்.ஏ.டி.டி.என். தென்னகோன்
Divisional Secretariats Sinhala
රාජ්ය සේවා මධ්යස්ථාන
රටේ සමස්ත ආර්ථිකය සඳහා වැඩි දායකත්වයක් දක්වන ක්ෂුද්ර , කුඩා හා මධ්යම පරිමාණ ව්යවසායකයන් ට අවශ්ය සෑම සහයෝගයක්ම ලබා දෙනවා - රාජ්ය අමාත්ය ශෙහාන් සේමසිංහ මහතා පවසයි.
රටේ සමස්ථ ආර්ථිකය සඳහා වැඩි දායකත්වයක් දක්වන ක්ෂුද්ර , කුඩා හා මධ්යම පරිමාණ ව්යවසායන් වෙනුවෙන් අවශ්ය සෑම සහයෝගයක්ම ලබාදීමට වත්මන් රජය කටයුතු කරණ බව සමෘද්ධි, ගෘහ ආර්ථික, ක්ෂුද්ර මූල්ය , ස්වයං රැකියා හා වයාපාර සංවර්ධන රාජ්ය අමාත්ය ශෙහාන් සේමසිංහ මහතාගේ පවසයි.
අමාත්යවරයා සඳහන් කලේ මෙම කණ්ඩායම සිදුකරණ ආර්ථික සහ ව්යවසායකත්ව කාර්යන් අති මහත් උවත් මෙතෙක් කිසිදු ඇගයීමක් සිදුවි නොමැති බවයි.
ක්ෂුද්ර , කුඩා හා මධ්යම පරිමාණ ව්යවසායකයින්ට අවශයම සේවාවන් එකම තැනකින් ලබාදීම සඳහා වන නුවරඑළිය දිස්ත්රික්කයේ “BUSINESS SERVICE SENTER ” සේවා මධ්යස්ථානය විවෘත කිරිමේ අවස්ථාවට
එක්වෙමින් රාජ්ය අමාත්ය ශෙහාන් සේමසිංහ මහතා මෙම අදහස් පැවසීය.
ව්යාපාරිකමය සේවා ලබාදිම සඳහා පවත්නා ආයතනික ක්රමවේදයෙහි සංකීර්ණත්වය, එකම කටයුත්ත විවිධ ආයතන මඟින් සිදු කිරීම, ඒ සඳහා විශාල කාලයක් ගතවීම ආදිය හේතුවෙන්, ව්යවසායකයින් වෙත ලබා දෙන සේවා කඩිනම් කිරීම සඳහා වන සෞභාග්යයේ දැක්ම ප්රතිපත්ති ප්රකාශනට අනුව, මෙම “BUSINESS SERVICE SENTER ” සේවා මධ්යස්ථාන දිවයින පුරා ස්ථාපිත කිරීමට පියවර ගෙන තිබේ.
එකම ස්ථානයකින් සියළු සේවා සපයා ගත හැකි ව්යාපාර සේවා මධ්යස්ථානය මඟින් අදාළ රාජ්ය ආයතන සමඟ සම්බන්ධතා ගොඩනගා ගැනීමටත්, එකම ස්ථානයකින් ඔවුන්ගේ අනුමතීන් ලබා ගැනීමටත් උපකාර වේ. එමෙන්ම ඉදිරියේදී ව්යාපාර නාම ලියාපදිංචි කිරීම online ක්රමවේදය ඔස්සේ සිදුකිරීමට නියමිතය.
යුරෝපා සංගමයේ ග්රාමීය ඒකාබද්ධ සංවර්ධන වැඩසටහන යටතේ "ව්යවසායකත්ව සංවර්ධන ව්යාපෘතිය" මගින් මෙම සේවා මධ්යස්ථාන ස්ථාපිත කිරීමට පියවර ගෙන තිබේ. ක්රිසලීස් ආයතනය මගින් නුවරඑළිය දිස්ත්රික්කය තුළ මෙම වැඩසටහන ක්රියාවට නංවනු ලබයි.
සුළු හා මධ්ය පරිමාණ ව්යවසාය නිර්මාණය කිරීමට හා ඒවාට සහභාගී වීම සඳහා කාන්තාවන්ට හා තරුණයන්ට හැකියාව ලබාදීම මෙම යුරෝපා සංගමයේ ආධාර මත ක්රියාත්මක වන ව්යවසාය ව්යාපෘතියෙහි අරමුණයි.
මෙම අවස්ථාවට යුරෝපා සංගමයේ ශ්රී ලංකා සහ මාලදිවයින් නියෝජිත මණ්ඩල තනාපති ඩෙනී චයිබි මහතා ඇතුළු ඉතාලිය, ජමනිය, ප්රංශය, නෙදලක් තනාපතිවරුන්, මධම පළාත් ප්රධාන ලේකම් ගාමිණි රාජරත්න ව්යාපෘති සම්බන්ධිකරණ අදික්ෂණ අමාත්යංශ ලේකම් ඩබ්.එච්. කරුණාරත්න, නුවරඑළිය දිස්ත්රික් ලේකම් නන්දන ගලබඩ මහතා ඇතුළු රාජ්ය නිළධාරීන්, ක්රිසලීස් ආයතනයේ විධායක අධ්යක්ෂිකා අශිකා ගුණසේන මහත්මිය ඇතුළු කාර්ය මණ්ඩලය සහභාගී වූහ.
අයවැයෙන් වැඩ ලක්ෂයක් වැඩසටහන නුවරඑළියේ ඇරඹේ
අභියෝග ජයගනිමින්, දිස්ත්රික්කයේ සමස්ත ජනතාට යහපත සලසමු - නව වසරේ වැඩ අරඹමින් නුවරඑළිය දිස්ත්රික් ලේකම් නන්දන ගලබඩ මහතා පැවසිය
කොවිඩ් වසංගතය හමුවේ රටට ඇතිවු අභියෝග ජයගනිමින්, දිස්ත්රික්කයේ සමස්ත ජනතාට යහපත සැලසීම අරමුණු කරගනිමින් කටයුතු කිරීම රාජ්ය සේවකයන්ගේ වගකීම බව නුවරඑළිය දිස්ත්රික් ලේකම් නන්දන ගලබඩ මහතා පැවසීය.
නුවරඑළිය දිස්ත්රික් ලේකම් කාර්යාලයේ 2022 වර්ෂයේ රාජකාරි ආරම්භ කිරීමේ අවස්ථාවට අද (3) දින එක්වෙමින් දිස්ත්රික් ලේකම්වරයා මෙම අදහස් පැවසිය.
නුවරඑළිය දිස්ත්රික්කයේ ප්රමුඛතම රාජ්ය ආයතනය වන නුවරඑළිය දිස්ත්රික් ලේකම් කාර්යාලයේ නව වසරේ රාජකාරි ආරම්භ කිරීමේ නිල උත්සවය සෞඛාරක්ෂිත ක්රමවේද අනුගමනය කරමින් පැවැත්විනි.
ජාතික කොඩිය ඔසවා ජාතික ගීය ගායනා කිරීමෙන් අනතුරුව “රට හදන සෞභාග්යයේ දැක්ම” ප්රතිපත්ති ප්රකාශයට අනුව ඵලදායි පුරවැසියෙක්, සතුටින් ජීවත්වන පවුලක්, ගුණගරුක, විනය ගරුක සාධාරණ සමාජයක් සහ සෞභාග්යමත් දේශයක් ගොඩනැගීම යන අරමුණු ජය ගැනීම සඳහා වන ප්රතිඥාව ලබා දීම සිදු කෙරිණි. ඉන් අනතුරුව කාර්යාල පරිශ්රයේ කිරී ඉතිරවීම සහ සර්ව ආගමික වතාවත් සිදුකිරිම සිදුවිය.
මෙම අවස්ථාවට අතිරේක දිස්ත්රික් ලේකම් සුජිවා බෝධිමාන්න, අතිරේක දිස්ත්රික් ලේකම් (ඉඩම්) විජිතා මයාදුන්න යන මහත්මින් ඇතුළු දිස්ත්රික් ලේකම් කාර්යාලීය කාර්ය මණ්ඩලය සහභාගි වී සිටියහ.
Introduction program for Information centre.
