වේවැල්,පිත්තල,මැටි,ලී බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශය මගින් ක්‍රියත්මක එක ගමකට එක් ව්‍යවසායකයෙක් බිහි කිරීමේ ජාතික වැඩසටහන නුවරඑළිය දිස්ත්‍රික්කයේ ප්‍රාදේශීය ලේකම් කොට්ඨාස පහ කේන්ද්‍ර කර ගනිමින් ක්‍රියාත්මක වේ.
මෙම වැඩසටහන යටතේ අඹගමුව ප්‍රාදේශීය ලේකම් කොට්ඨාසයේ තෝරාගත් ව්‍යවසායිකයින් 42 ක් සදහා රුපියල් 3,080,958 වටිනා යන්ත්‍රෝපකරණ බෙදා දීමේ වැඩසටහනක් 2022.01.21 වන දින පාර්ලිමේන්තු මන්ත්‍රී මරදපාන්ඩි රාමේශ්වරන් මහතාගේ ප්‍රධානත්වයෙන් අඹගමුව විදාතා මධ්‍යස්ථානයේ දී සිදුකෙරිණ.
මෙම අවස්ථාවට අඹගමුව ප්‍රාදේශීය සභාවේ සභාපතිතුමන්,අඹගමුව ප්‍රාදේශීය ලේකම්තුමා ඇතුළු දේශපාලන නියෝජිතයින් රාජ්‍ය නිලධාරීන් පිරිසක් සහභාගී වූහ.