නුවරඑළිය දිස්ත්රික් ලේකම් කාර්යාලය සහ නුවරඑළිය මහ නගර සභාව එක්ව සංවිධානය කල ඩෙංගු මර්ධන වැඩසටහනක් 2023.05.26 වන දින නුවරඑළිය දිස්ත්රික් ලේකම් නන්දන ගලබඩ මහතාගේ ප්රධානත්වයෙන් නුවරඑළිය ග්රෙගරි වැව පරිශ්රයේදී ක්රියාත්මක කරන ලදී.
සංචාරකයින් බහුලව ගැවසෙන නුවරඑළිය නගරය අවට ඩෙංගු රෝගය ව්යාප්ත වීමේ අවධානමක් ඇතිවුවහොත් එය සංචාරක කර්මාන්තයට දැඩි බලපෑමක් ඇතිවිය හැකි බැවින් කසල විධිමත්ව බැහැර කිරීම සහ මදුරුවන් බෝවිය හැකි ස්ථාන පිරිසිදු කිරීමට අවශ්ය කඩිනම් පියවර ගන්නැයි මෙහිදී දිස්ත්රික් ලේකම්තුමන් නිලධාරීන්ට උපදෙස් ලබාදුන්නේය
නුවරඑලිය දිස්ත්රික්කයේ ප්රාදේශීය ලේකම් කොට්ටාස පහ ආවරණය වන පරිදි විධිමත් ආකාරයේ ඩෙංගු මර්දන වැඩසටහන් ක්රියාත්මක කිරීමට කටයුතු යොදා ඇති අතර පළාත් පාලන ආයතන, වතු සමාගම් සහ ග්රාමීය ඩෙංගු කමිටු හරහා එය ක්රියාත්මක කිරීමට නියමිතය.
මෙම පිරිසිදු කිරීමේ වැඩසටහනට අතිරේක දිස්ත්රික් ලේකම්,නාගරික කොමසාරිස් එස්.පි.කේ බෝධිමාන්න මහත්මිය, නුවරඑළිය ප්රාදේශීය ලේකම් ප්රගීත් දනන්සුරිය මහතා රාජ්ය ආයතන නිලධාරීන් ත්රිවිධ හමුදාවේ සහ පොලිසියේ නිලධාරීන් ඇතුළු පිරිසක් සහභාගී වුහ.
