இம்முறை அரச தீபாவளி பண்டிகை விழாவினை 2025.10.20 ஆம் திகதி நுவரெலியா மாவட்டத்தின் ஹட்டன் மாணிக்க பிள்ளையார் கோவிலை மையமாகக் கொண்டு நடாத்துவதற்கான நடவடிக்கைகள் தற்போது மேற்கொள்ளப்படுகின்றன. அதற்கமைய அதன் ஏற்பாட்டு அலுவல்கள் தொடர்பான ஆரம்ப கலந்துரையாடல் புத்தசாசன‚ மத மற்றும் கலாசார அலுவல்கள் அமைச்சின் செயலாளர் திரு.W.P.சேனாதீர அவர்களின் தலைமையில் இன்றைய தினம் (15) நுவரெலியா மாவட்ட செயலகத்தின் கேட்போர்கூடத்தில் நடைபெற்றது. இதன்போது உரிய பிரிவுகளிடம் ஒப்படைக்கப்படுகின்ற கடமைகள் தொடர்பில் உரிய பிரிவுகளுக்கு தெளிவூட்டல் மேற்கொள்ளப்பட்டது.
இக்கலந்துரையாடலில், நுவரெலியா பௌத்த விகாரையின் (பௌத்த மந்திர) அதிபதி நுவரெலியா பிரதேச சாசனாரக்ஷக பேரவையின் பதிவாளர் வணக்கத்திற்குரிய கிரிஓருவே திரானந்த தேரர் தலைமையிலான பிரதான பிக்குமார்கள், இந்து மதகுருமார்கள்‚ நுவரெலியா மாவட்ட செயலாளர் திருமதி.துஷாரி தென்னகோன்‚ புத்தசாசன‚ மத மற்றும் கலாசார அலுவல்கள் அமைச்சின் மேலதிக செயலாளர் திருமதி.H.N.குமாரி‚ நுவரெலியா மேலதிக மாவட்ட செயலாளர்‚ பிரதேச செயலாளர்கள் உள்ளிட்ட நுவரெலியா மாவட்ட செயலக உத்தியோகத்தர்கள்‚ இந்து அலுவல்கள் திணைக்களத்தின் பணிப்பாளர் திரு.Y.அனிருத்தன் உள்ளிட்ட கலாசார அலுவல்கள் திணைக்களத்தின் உத்தியோகத்தர்கள்‚ நுவரெலியா மாவட்ட பொது வைத்தியசாலை பணிப்பாளர்‚ வீதி அபிவிருத்தி அதிகாரசபையின் மாவட்ட பொறியியலாளர்‚ பாதுகாப்புப் பிரிவு உத்தியோகத்தர்கள்‚ டிபோ முகாமையாளர்கள் உள்ளிட்ட பலர் கலந்துகொண்டனர்.