சமூகப் பாதுகாப்பிற்காக தம்மை அர்ப்பணித்த உத்தியோகத்தர்களை கௌரவித்தல்….

---------------------------

அரச ஓய்வூதியம் உரித்தற்ற மக்களுக்காக இலங்கை சமூகப் பாதுகாப்புச் சபையினால் நடைமுறைப்படுத்தப்படுகின்ற சமூகப் பாதுகாப்பு ஓய்வூதிய உத்தேசத்திட்டத்திற்கு 2023-2024 ஆண்டுகளில் அங்கத்தவர்களை ஆட்சேர்த்துக்கொள்ளும்போது செயற்பாட்டு ரீதியில் பங்களிப்பு வழங்கிய, உத்தியோகத்தர்களை கௌரவிக்கும் மற்றும் ஊக்குவிக்கும் பொருட்டான நுவரெலியா மாவட்ட நிகழ்வு 2025.09.17 ஆம் திகதி இலங்கை சமூகப் பாதுகாப்புச் சபையின் தலைவர் திரு.எம்.கே.டி.திஸாநாயக்க மற்றும் நுவரெலியா மாவட்ட செயலாளர் திருமதி.துஷாரி தென்னகோன் ஆகியோரின் தலைமையில் நுவரெலியா மாவட்ட செயலகத்தின் கேட்போர்கூடத்தில் நடைபெற்றது.

2023-2024 பிரதேச மட்டத்தில் அதிகமானோரை இந்த சமூகப் பாதுகாப்பு ஓய்வூதிய உத்தேசத்திட்டத்தில் ஆட்சேர்த்துக்கொண்டமைக்காக நுவரெலியா மாவட்டத்தின் பிரதேச செயலகங்களுக்கிடையே கொத்மலை பிரதேச செயலகம் முதலாம் இடத்தைப் பெற்றுக்கொண்டதுடன், அதிக எண்ணிக்கையான அங்கத்தவர்களை ஆட்சேர்த்துகொண்டு, அதிக எண்ணிக்கையான அங்கத்தவர்களை ஓய்வூதியத்திற்கு பங்களிப்பு செய்துகொள்ளும் பொருட்டு மேற்கொண்ட சேவைகளை முன்னிட்டு 2023 ஆம் ஆண்டில் சிறந்த உத்தியோகத்தராக வலப்பனை பிரதேச செயலகத்தின் கிராம உத்தியோகத்தர் திருமதி.டி.ஜீ.டி.எச்.நிரஞ்சலா கௌரவிக்கப்பட்டார். 2023 ஆம் ஆண்டில் இலங்கையிலேயே அதிகமான ஆட்சேர்ப்பினை மேற்கொண்ட உத்தியோகத்தரும் ஆவரேயாவார். 2024 ஆம் ஆண்டில் அதிக எண்ணிக்கையான அங்கத்தவர்களை ஆட்சேர்த்துக்கொண்டு, அதிக எண்ணிக்கையான அங்கத்தவர்களை ஓய்வூதியத்திற்கு பங்களிப்பு செய்வித்த உத்தியோகத்தர் கொத்மலை பிரதேச செயலகத்தின் கிராம உத்தியோகத்தர் திருமதி.ஆர்.ஜீ.ஆர்.எம்.ராஜபக்ஷ ஆவார்.

சமூகப் பாதுகாப்பு ஓய்வூதியத் திட்டத்திற்கு நுவரெலியா மாவட்டத்தில் மொத்தமாக ஆட்சேர்த்துக்கொள்ளப்பட்ட அங்கத்தவர்களின் எண்ணிக்கை 65409 ஆவதுடன், மொத்த ஓய்வூதியம் செலுத்தல் 737 ஆகும். அதற்காக பங்களிப்பு நல்கிய 66 உத்தியோகத்தர்கள் இதன்போது கௌரவிக்கப்பட்டனர்.

இந்நிகழ்வில் இலங்கை சமூகப் பாதுகாப்புச் சபையின் பொது முகாமையாளர் திரு.ஏ.கே.எஸ்.கலுஆராச்சி, பிரதி பொது முகாமையாளர் திருமதி.கல்ஹாரி த சில்வா, கிராம அபிவிருத்தி சமூகப் பாதுகாப்பு, சமூக வலுவூட்டல் கௌரவ அமைச்சர் அவர்களின் பொதுமக்கள் இணைப்பு உத்தியோகத்தர் திரு.ரோஹன் பிரனாந்து, நுவரெலியா மேலதிக மாவட்ட செயலாளர் (நிர்வாகம்) திருமதி.தினிகா கவிசேகர, மேலதிக மாவட்ட செயலாளர் (காணி) திருமதி.ஷாலிகா லிந்தகும்புர உள்ளிட்ட பதவிநிலை உத்தியோகத்தர்கள், பிரதேச சமூகப் பாதுகாப்பு உத்தியோகத்தர்கள் உள்ளிட்ட பாராட்டுதலுக்கு உள்ளான பலர் கலந்துகொண்டனர்.